Jaya Plus News

எழுத்தின் அளவு: அ+ அ- அ

தமிழகம் முழுவதும் பிளஸ் 2 பொதுத்தேர்வு முடிவுகள் வெளியானது. இதில் தேர்வு எழுதிய 7 லட்சத்து 53 ஆயிரத்து 142 மாணவ, மாணவிகள் தேர்ச்சி பெற்றுள்ளதாக பள்ளிக்கல்வி துறை அறிவித்துள்ளது.

பிளஸ்-2 பொதுத்தேர்வு கடந்த மார்ச் மாதம் 3ஆம் தேதி தொடங்கி, 25ஆம் தேதி நிறைவு பெற்றது. இந்த தேர்வை மொத்தம் 7 லட்சத்து 92 ஆயிரத்து 494 மாணவர்கள் எழுதினர். இதில், மாணவிகள் 4 லட்சத்து 19 ஆயிரத்து 316 பேரும், மாணவர்கள் 3 லட்சத்து 73 ஆயிரத்து 178 பேரும் தேர்வை எழுதினர். இந்நிலையில் இன்று பிளஸ் 2 பொதுத்தேர்வுக்கான முடிவுகளை பள்ளிக்கல்வித்துறை வெளியிட்டது. அதன்படி தேர்வு எழுதியவர்களில் 7 லட்சத்து 53 ஆயிரத்து 142 மாணவர்கள் தேர்ச்சி பெற்றனர். 140 சிறைவாசிகள் தேர்வெழுதியதில் 130 பேர் தேர்ச்சி அடைந்துள்ளனர். இந்த தேர்வில் தேர்ச்சி பெறாத மாணவர்களுக்கு ஜூன் 25 ஆம் தேதி துணை தேர்வு நடைபெறும் என பள்ளக்கல்வித்துறை அறிவித்துள்ளது.

பிளஸ் 2 பொதுத்தேர்வு எழுதிய மாணாக்கர்களில் 95.05 சதவீதம் பேர் வெற்றி பெற்றுள்ளனர். இதில் மாணவிகள் 96.76 சதவீதமும், மாணவர்கள் 93.16 சதவீதமும் தேர்ச்சி பெற்றுள்ளனர். வழக்கம்போல் மாணவர்களை விட மாணவிகளே 3.54 சதவீதம் அதிகம் தேர்ச்சி பெற்றுள்ளனர்.

பிளஸ் 2 தேர்வில் தமிழ் பாடத்தில் 99.15 சதவீதம் மாணாக்கர்கள் முழு மதிப்பெண் பெற்றுள்ளனர். கணிதத்தில் 99.16 சதவீதம் மாணாக்கர்களும், இயற்பியலில் 99.22 சதவீதம் மாணாக்கர்களும், வேதியியல் பாடத்தில் 98.99 சதவீதம் மாணாக்கர்களும், உயிரியியல் பாடத்தில் 99.15 சதவீதம் மாணாக்கர்களும், கணினி அறிவியல் பாடத்தில் 99.73 சதவீதம் மாணாக்கர்களும் முழு மதிப்பெண்களுடன் தேர்ச்சி அடைந்துள்ளனர்.

தமிழகம் முழுவதும் வெளியான பிளஸ் 2 தேர்வு முடிவுகளில் மாவட்ட அளவில் அரியலூர் 98.82 சதவீதம் மாணாக்கர்கள் தேர்ச்சி பெற்று முதலிடத்தில் உள்ளது. ஈரோடு மாவட்டம் 97.98 சதவீதமும், திருப்பூர் மாவட்டம் 97.53 சதவீதமும், கோயம்புத்தூர் மாவட்டம் 97.48சதவீதமும், கன்னியாகுமரி மாவட்டம் 97.01 சதவீதமும் தேர்ச்சி பெற்று முதல் 5 இடங்களில் உள்ளன.

பிளஸ் 2 தேர்வில் பாடவாரியாக தமிழ் பாடத்தில் 135 மாணாக்கர்கள் முழு மதிப்பெண்கள் பெற்றுள்ளனர். கணிதத்தில் 3,022 மாணாக்கர்களும், இயற்பியல் பாடத்தில் 1,125 மாணாக்களும், வேதியியல் பாடத்தில் 3,181 மாணாக்கர்களும், உயிரியியல் பாடத்தில் 827 மாணாக்கர்களும், கணினி அறிவியியல் பாடத்தில் 9,536 மாணாக்கர்களும் முழு மதிப்பெண்கள் பெற்று தேர்ச்சி பெற்றுள்ளனர்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

+2 பொதுத்தேர்வில் 95.03% மாணாக்கர்கள் தேர்ச்சி

All Categories

தொடர்பான செய்திகள்

தமிழகம்

சேப்பாக்கம் மைதானத்திற்கு வெடிகுண்டு மிரட்டல்

தமிழகம்

ஆபரேஷன் சிந்தூர் முன்னெச்சரிக்கை நடவடிக்கையாக பொதுமக்கள் கூடும் இடங்களில் தீவிர கண்காணிப்பு...

தமிழகம்

தோல்வி பயத்தால் தற்கொலை செய்த மாணவி +2 தேர்வில் தேர்ச்சி...

தமிழகம்

அமைச்சர் துரைமுருகனின் இலாகா பறிப்பு

தமிழகம்

மீண்டும் ரூ.73,000-ஐ கடந்த ஒரு சவரன் தங்கம்

சமீபத்திய செய்திகள்

இந்தியா

பஞ்சாப் - மர்ம பொருள் செயலிழக்க வைப்பு

இந்தியா

பாகிஸ்தான் ஆயுதப்படைகள் நடத்திய பல்முனை தாக்குதல்கள் வெற்றிகரமாக முறியடிப்பு - இந்திய ராணுவம்...

தமிழகம்

சேப்பாக்கம் மைதானத்திற்கு வெடிகுண்டு மிரட்டல்

உலகம்

பாகிஸ்தான் ராணுவ நிலைகள் அழிப்பு

இந்தியா

பஞ்சாப் - மர்ம பொருள் செயலிழக்க வைப்பு

Get In Touch

Contact Info